إلى نيرو
إلى نيرة سامح الخضراوي، ذات العيون الثاقبة،
أحيانًا كان بيبقى نفسي أبقى فارس في العصور الوسطى، أو أمير مش عارف، وأكون راكب على حصان أبيض، وأروح أبعت لواحدة بحبها ظرف فيه رسالة.
وهي تطلع من الشباك تشوفني وأنا ماشي، بعد ما سبتلها الظرف تحت البيت، وتبقى النظرات الأخيرة...
مش عشان هموت لا
الله أعلم، عشان رايح حرب مثلًا.
بس كنت هرجع تاني لا محاله.
فكنت حابب أبعتلك نفس الظرف، بس اتوقع الزمن اتغير للأسف.
مع إن ده شايفه أقل شئ ممكن يتقدم يعني، ممكن اعتذار الكتروني بس بطريقه أشيك.
ياريت تكوني بتسمعي الأغنيه، وانتي بتقرأي.
عشان طمعان في طيبة وكرم نيرو إنها تسامحني وتتقبل اعتذاري.
عارف إن في حاجات كتير ممكن تكون غلط، بس هي مش غلطتك، ومش لازم تقعدي متضايقه طول الوقت معايا.
وأنا مش هرضاهالك إنك تبقي متضايقة.
بالعكس، أنا أتمنى دايمًا أشوفك مبسوطة في حياتك ودنيتك، حتى لو مش هبقى موجود فيها.
أتمنى تصدقيني.
أنا مش مهمل أو مش مهتم بيكي، بالعكس
إنتي أحلى حد دخل حياتي حرفيًا، وأول مرة أحس بحاجات زي كده مع شخص.
أتمنى تقبلي اعتذاري، وأبص في عيونك تاني.
ساعات كتير بحس إني عايز أعملك حاجات كتير فشخ.
أنا عارف إني مش بتكلم كتير، عشان مبحبش أتكلم كتير عن حاجة ومعملهاش.
أنا بحب أعمل أكتر ما بتكلم وساعات بحس بتقصير مني و دي مشكله فيا بس والله أوعدك اني بجد بحاول وهحاول بأقصي حاجه عندي.
وأتمنى تصدقيني، أو حتى بنسبة عشرة في المية.
أيوه، أنا فيا عيوب
بس عشان نيرو، أنا هغير أي عيب فيا، حتى لو من زمان.
ميهمنيش غير إنك تبقي مبسوطه ومرتاحه.
ومش بقولك اي كلام عشان ابسطك او مجرد أراضيكي والله ده كلام حقيقي طالع مني.
علي سبيل المثال في حاجات بعملها معاكي انا مش مهتم اعملها مع حد تاني، بس عشان معاكي بحس ان احنا مرتبطين بشئ، يعني مثلا اكيد مش ستريك الهيضايقني منك، بس فكره ان بينا كومينيكيشن حتي لو متضايقين من بعض عشان علاقتنا ميجيش وقت وتموت، عادي هيجي أوقات ممكن معندكيش طاقه للكلام اكيد مفيش مشكله في كدا اكيد انا نفس الكلام، بس لما بشوف يومك علي سناب مثلا بحب اشوفه وبحب اشوفك
كان نفسي ستريك سناب عمتا يكمل لحد ١٠٠٠ ولا حاجه واشوف ساعتها رياكشني بهزر
بس بوضحلك ان انا فاهمك ممكن في حاجات ممكن تكون تافهه بس انا شايف اي حاجه معاكي هي حلوه حتي لو هنقعد في مكان ساكتين انا هبقي مبسوط برضو.
بحاول اخليه ايميل احترفي بس عندي أخطاء إملائيه كتير ومبعرفش احط فاصله فين ولا امتي تاء مربوطه وامتي هاء فا اعذريني
أنا آسف.
كُتبت هذه الرسالة وأنا مروح من النزهة، مصر الجديدة، لفيصل في المترو... وأنا واقف والدنيا زحمة.
تحياتي،
أحمد محمد
الدائب في عيون نيرو.
